Landsmálin Skoða sem PDF skjal Prentvæn útgáfa Senda í tölvupóst
Höfundur: Jón Gnarr   
Mánudagur, 15. febrúar 2010 11:53

hillbillyÁ ferðum mínum um landið kom ég í lítinn bæ sem heitir Hornafjörður eða eitthvað svoleiðis. Það er sama hvert ég kem allstaðar hefur fólk mikinn áhuga á landsmálapólitíkinni. Allir vilja tala um Besta flokkinn. Ég hélt fjölmennan samstöðufund á einum stað sem ég man ekki hvað heitir en er rétt hjá Akureyri. Þar var maður með kind í bandi. Hún var einsog hundur, hlýddi kalli og settist á skipun. Hún hafði meira að segja lært að naga bein. Eftir að hafa spjallað við manninn í góða stund og svarað spurningum hans um Besta flokkinn og tillögur okkar um að grafa síki í gegnum Reykjavík, spurði ég hann afhverju hann væri með þessa kind með sér. “Vegna þess að mér finnst vænt um hana,” svaraði hann um hæl. Þetta skildi ég. Líf fólks útá landi er svo ólíkt lífi okkar hér í borginni. Hér tökum við ákvarðanir í fínum skrifstofum sötrandi á Latte á meðan þetta fólk drekkur export og borðar kvöldmatinn sinn með dýrum. Fólk útá landi, sérstaklega á Akureyri og þar í kring, talar tungumál sem var talað fyrir tuttugu árum um allt land en við höfum glatað. Það sem við teljum sjálfsagt er þeim oft framandi. Hópur bænda kom til Húsavíkur alla leið úr Mývatnssveit á kynningarfund Besta flokksins. Þeir komu ekki til að hlusta heldur hafði það spurst út í sveitinni þeirra að ég ætti iPhone. Þeir vildu sjá hann og fá að koma við hann. Ég leyfði einum þeirra að hringja heim til sín. Ég gleymi því aldrei. Þetta skipti hann svo miklu máli að tár hrundu niður kinnar hans þegar hann talaði við krakkana sína sem sem eflaust stóðu berfæt, tannlaus og skítug í einhverjum mykjuhaug. Honum fannst hann vera að tala við þau úr framtíðinni. Hann skildi ekki að þetta væri bara sími. En þetta sýndi mér að öll erum við tilfinningaverur.

Fólk útá landi er oft vitlaust og fáfrótt og kann ekki neitt nema moka skít og klappa dýrum og drepa þau til að lifa af veturinn. En þau hafa tilfinningar og þannig verða þau hluti af okkur. Við erum öll tengd sama hvar við búum. Íslenska sauðkindin sameinar okkur. Enginn þekkir kindina eins vel og bóndinn vegna þess að hann býr með henni, borðar með henni, fer með hana í útilegur, sefur hjá henni og fer með henni í sund. Hann er líklega eini maðurinn í heiminum sem veit hvenær hún á afmæli. Svo komum við og borðum hana frá honum. Okkur borgarbúum gæti ekki verið meira sama um tilfinningar hans. Við þurfum að komast í Smáralind eftir að hafa byrjað daginn í World Class. En við megum ekki gleyma uppruna okkar. Afi minn var svona sveitadurgur eins og þær þúsundir bænda sem við sjáum þegar við keyrum á Land Cruiser jeppunum okkar í gegnum þeirra náttúrulega umhverfi sem er sveitin. Við flautum á þá og steytum hnefann að þeim þar sem þeir lulla eftir þjóðvegunum á Massey Ferguson traktorunum sínum. Við skiljum þá gjarnan eftir sára og reiða vegna þess að þeir skilja ekki þennan hraða sem fylgir nútímalífinu.

Íslenska sauðkindin er andlegur leiðtogi þessarar þjóðar. Hún fæðir okkur og klæðir. Hún er fyrir okkur eins og vatnið og brauðið var fyrir Jesú í síðustu kvöldmáltíðinni. Við hugsum í sauðalitunum. Við fylgjum forystusauðinum sem heild. Ef kindinn gæti talað myndi hún eflaust biðja okkur að vera betri við hvert annað. Það held ég.

 

 

Facebook   
 
Joomla SEF URLs by Artio

Styrkja flokkinn

Reikningur: 0137-26-1340

Kt. 611209-1340

Sjónvarp Besta Flokksins

Fyrsta verk.mov
Stefnumál
Neytendamál
Umræða er almannaheill!
Fólk.mov

Frambjóðendur

Formaður   
formadurinn
Sjónvarpsmaður   
sigurjonkjartansson
Framkvæmdastjóri   
einar
Sjónvarpsmaður   
gunnar_hansson_2
Neytendafrömuður   
drgunni
Leikari   
Jorundur_Ragnarsson
Fyrrv. sérfræðingur   
sigurdurbjorn
Tónlistarmaður   
Bardi
Stjórnmálamaður   
ragnarhansson

Umsagnir

Ég treysti Besta flokknum fyrir börnunum mínum Elín Guðbjartsdóttir kennari
Jón Gnarr er góður en bestur í Besta flokknum! Helgi Rigmor Jensen tannlæknir
Ég hef áhyggjur af framtíðinniÓli Stephensen iðntæknihönnuður
Það er allskonar sem þarf að gera. Þess vegna kýs ég Besta flokkinn Einar Bergsteinsson hdl.
Ég hef hitt Jón Gnarr og hann var yndislegur. Ég treysti honum Guðrún Jónsdóttir hagfræðingur

Á spjallborðinu

  • Hvað með harðfisk? (fyrir 7 dögum síðan)
    ...
  • Kaffið (fyrir 7 dögum síðan)
    Er það ekki bara vegna þess að malað kaffi þykir bragðbetra en ómalað?
  • Kaffi (fyrir 9 dögum síðan)
    Eitt sem ég hef aldrei skilið er hvers vegna malað kaffi er dýrara en ómalaðar baunir. Er ekki...
  • Sítuðandi eiginkonur (fyrir 9 dögum síðan)
    Ég hef heyrt því fleygt að Besti Flokkurinn hafi íhugað að halda námskeið fyrir konur. Ein...
  • Sítuðandi eiginkonur (fyrir 9 dögum síðan)
    Ástæðan fyrir því að kvenfólk breytist eftir áralanga sambúð er hríðversnandi karlpening...
  • situdandi eiginkonur (fyrir 10 dögum síðan)
    Ja segdu henni bara i godu ad fara sina leid og thu aetlir ad fara thina leid. Keyptu ther sidan hun...
  • Kæri Leiður! (fyrir 13 dögum síðan)
    Hahahahaha! Ég var nú bara aðeins að hrista upp í þér en enga uppgjöf Leiður minn! Ef kon...
  • Ég segi nú bara eins og Kaninn myndi gera ... (fyrir 13 dögum síðan)
    I rest my case.

Vertu með

logoGakktu í Besta flokkinn, eigðu stefnumót við framtíðina

Jákvæðni

framtidinBesti Flokkurinn hefur jákvæðni sem gildi.

Heilbrigður flokkur

doctorFormaður Besta Flokksins er með læknisvottorð, útgefið af alvöru lækni.

Besta spjallborðið

hendurErtu með fullt af skoðunum ?
Kíktu á spjallborðið okkar, það er best.

Styrktaraðilar

dg2