Stöndum vörð um allskonar!

Við styðjum framboð Besta Flokksins!

Möppumessa

commteccommunicationsBesti flokkurinn hefur dálítið mætt á pallborðsumræður. Það er ekki gaman. Þetta er eins og leiðinlegasta leikrit í heimi. Þar sitja frambjóðendur flokkanna við langt borð, og síðan er fólk sem situr úti í sal. Svo tala allir frambjóðendurnir. Þeir tala mest um hvað þeir eru sjálfir frábærir og stundum aðeins um, hvað allir hinir eru ömurlegir og hallærislegir. Þeir lofa öllu fögru. Stundum missir maður hreinlega þráðinn og hættir að skilja hvað þeir eru að segja. Þeir tala skringilegt tungumál og nota orðasambönd og frasa sem hafa enga tilfinningalega tilvísun og eru yfirborðskenndir og innantómir. Sumir nota Power Point til að gera þetta ennþá kvalarfyllra fyrir áhorfendur. Enginn notar Keynote.

Svo fá þeir vini sína og stuðningsfólk til að koma á fundina og hlæja að öllu sem þeir segja og klappa fyrir þeim, en vera fúlir við hina. Þetta er eins og sjoppuleg útgáfa af Morfís-keppninni. Þegar þeir eru loks búnir að tala er lítill tími fyrir spurningar, en þá fá þeir líka aftur tækifæri til að tala. Þetta er mjög leiðinlegt. Allir fá höfuðverk. Þetta verður gjarnan eins og leiðinlegasti húsfélagsfundur. Það sem er verst, er að enginn fær neitt út úr þessu og allir ganga fátækari frá borði, nema helst sá sem talaði mest og náði að sýna tíma annarra mesta lítilsvirðingu og drepa flesta úr leiðindum. Sérstaklega andstæðinga. Þeir virða engin tímamörk og halda áfram að blaðra. Jafnvel þó þeir séu komnir langt fram úr þeim tíma sem þeim var gefinn og fundarstjóri sé staðinn upp og orðinn pirraður. Þá hlær meðvirka stuðningsfólkið úti í sal taugaveiklunarhlátri og gefur í skyn að þetta sé eðlilegt og allt í lagi.

En það er það ekki. Það er ekkert uppbyggilegt eða göfugt við þetta. Þetta er bara subbulegt málefnaklám að mestu leyti sem gengur út á að upphefja sjálfan sig á kostnað annarra. Besti flokkurinn vill ekki taka þátt í svona leiðinlegum og óskilvirkum fundum. Okkur finnst þetta tímaeyðsla. Það er gaman í Besta flokknum. Þetta fyrirkomulag er gelt og úrelt og skilar engu uppbyggilegu. Það virðist gert til að drepa niður alla skapandi hugsun.

Allir sem hafa gott hjartalag verða kjaftaðir í kaf. Þetta er bara ein tegund af frekjukeppni. Við göngum sorgmædd út af svona fundum og líður eins og við höfum setið með fyllibyttum á bar. Við höngum ekki á börum. Við viljum gera uppbyggilega hluti og hitta skemmtilegt fólk. Okkur finnst Power Point leiðinlegt forrit. Keynote er aðeins skárra. Við vorum að hugsa um að gera einhverja stórfenglega, leiðinlega Power Point kynningu, en við höfum ekki tíma til þess.

Við viljum breyta þessu fyrirkomulagi og þeim reglum sem hafa verið settar. Við viljum hitta fólk, milliliðalaust, mæta á vinnustaði og hjá félagasamtökum, sérstaklega ef frambjóðendur hinna flokkanna eru fjarverandi á meðan. Við ætlum að halda þátttöku í pallborðsumræðum í algjöru lágmarki.

Tími frekju, yfirgangs og leiðinda er liðinn.

Facebook   
 

Stjórnmálafréttir á rúv

  • Hart brugðist við ungverskum lögum
  • Hafði frumkvæði að upptöku Icesave
  • Steinunn verði að segja af sér
  • Forsætisráðherra Finnlands hættir
  • Ósammála um samningsstöðu Íslands

Stjórnmálafréttir á mbl.is

  • Kosið í Sólheimum
  • Leiðtogar tjá sig um skoðanakönnun
  • Fjórir bjóða fram í Garðabæ
  • Samstarf við Sjálfstæðisflokk langsótt
  • Held að þetta ráðist á síðustu metrunum"

Styrktu Besta Flokkinn

sofnun

Söfnunarnúmer
903-3020
1000 kr. símtalið

cash

Frjáls framlög
Reikningur: 0137-26-1340
Kt. 611209-1340

Besti á Twitter

oddvitaviðræður í opinni dagskrá á Skjá einum í kvöld! Það er gaman. http://bit.ly/czyr5i
fyrir 15 mínútum
Stjórnmál geta alveg verið skemmtileg, sannaðu til! http://bit.ly/94FGGj
fyrir u.þ.b. 7 klst
er glaður yfir því hvað margir komu í heimsókn á kosningaskrifstofuna í sushi og Lay Low og Pascal Pinon! http://bit.ly/aVbfN2
Þriðjudagur, 25. maí 2010 19:01
twitterbestiflokkurinn á Twitter

Besti á Skuggaborg

skuggaborg_logo

RSS áskrift

Vertu með

invert_thumbsupGakktu í Besta flokkinn, eigðu stefnumót við framtíðina

Jákvæðni

framtidinBesti Flokkurinn hefur jákvæðni sem gildi.

Heilbrigður flokkur

doctorFormaður Besta Flokksins er með læknisvottorð, útgefið af alvöru lækni.

Styrktaraðilar

dg_logo_smaller_trans3